Fjölskylda Birnu Brjánsdóttir segir að ekkert hafi gefið til kynna að hún hafi ætlað að vinna sér mein áður en hún hvarf. Upp hafa sprottið umræður og á samfélagsmiðlum í dag þar sem gefið er í skyn að Birnu hafi liðið illa og verið í andlegu ójafnvægi. Lögreglan tekur af allan vafa um slíkt.
Á nýloknum blaðamannafundi sagði Grímur Grímsson yfirlögregluþjónn að komið hafi fram í viðtölum við fjölskyldu Birnu að hún væri með svartan húmor. Það geti skýrt dökkar færslur á facebooksíðu hennar sem gáfu til kynna vanlíðan og langanir til að enda líf sitt.
Þá kom fram að Birna væri nýhætt í sambandi og sé búsett hjá pabba sínum í Breiðholti. Hún neyti ekki annarra vimuefna en áfengis
Þá segir fjölskylda Birnu að það sé ekki líkt henni að ganga heim. Ólíklegt er að hún hafi verið að labba heim úr bænum umrædda nótt en á leið sinni að Laugaveg 31 reynir hún ekki að ná athygli leigubíla sem verða á vegi hennar.
Þá bendir ekkert til þess að Birna hafi verið elt á leið sinni um Austurstræti, Bankastræti og Laugaveg.