Eric Bramwell, 35 ára Bandaríkjamaður, var á dögunum dæmdur í 22 ára fangelsi. Það væri svo sem ekki í frásögur færandi nema fyrir það að dóminn hlaut Bramwell fyrir að stela sjónvarpsfjarstýringu.
Bramwell þessi hefur þó margoft komið við sögu lögreglu áður og segja saksóknarar að hann hafi átt refsinguna skilda. Hann var sakfelldur fyrir fjölmörg innbrot þar sem hann stal meðal annars sjónvarpstækjum. Það var svo þann 1. ágúst 2015 að Bramwell gerði afdrifarík mistök. Hann missti hanska í einu af innbrotum sínum og DNA-rannsókn leiddi í ljós hver hefði verið á ferðinni því erfðaefni Bramwell var þegar til í gagnabanka lögreglu.
Bramwell þarf að dúsa í fangelsi næstu ellefu árin áður en hann getur sótt um reynslulausn.
