Fréttir

Rætt um að skipta innanríkisráðuneytinu upp

Naumur meirihluti stendur í Sjálfstæðismönnum – Stjórnin uppnefnd „borgarstjórnin“

Ritstjórn DV
Þriðjudaginn 10. janúar 2017 07:00

Rætt er um að skipta innanríkisráðuneytinu upp í tvennt, ráðuneyti dómsmála og ráðuneyti samgöngumála. Ef af verður munu bæði ráðuneytin falla í skaut Sjálfstæðisflokksins og hann þar með fá í sinn hlut sex ráðuneyti auk embættis forseta Alþingis. Ekki var þó búið að taka ákvörðun hvað þetta varðaði þegar DV fór í prentun í gær, mánudag.

Skipting ráðuneyta milli flokkanna þriggja, Sjálfstæðisflokks, Viðreisnar og Bjartrar framtíðar, verður með þeim hætti að óbreyttu að Sjálfstæðisflokkurinn mun skipa ráðherra í forsætisráðuneyti, utanríkisráðuneyti, innanríkisráðuneyti, menntamálaráðuneyti og iðnaðar- og viðskiptaráðuneyti. Í stóla fjármálaráðherra, sjávarútvegs- og landbúnaðarráðherra og félagsmálaráðherra mun Viðreisn skipa og Björt framtíð mun fá í sinn hlut stóla heilbrigðisráðherra og umhverfisráðherra. Mestar líkur eru taldar á því að þessi skipting muni halda sér.

Í gær var enn óljóst hverjir myndu skipa ráðherrastóla í verðandi ríkisstjórn. Ljóst er að Bjarni Benediktsson verður forsætisráðherra og Benedikt Jóhannesson fjármálaráðherra. Annað er ekki ljóst þótt talið sé líklegt að Óttarr Proppé verði heilbrigðisráðherra. Óljóst er hverjir aðrir verða ráðherrar en talið er að bæði Kristján Þór Júlíusson og Guðlaugur Þór Þórðarson verði ráðherrar Sjálfstæðisflokksins. Þá er einnig talið að Ólöf Nordal verði annaðhvort skipuð ráðherra eða að því lýst að hún muni setjast í ráðherrastól þegar hún hefur jafnað sig af veikindum sínum.
Rætt hefur verið um það innan Bjartrar framtíðar að þingmenn flokksins muni víkja af þingi setjist þeir í ráðherrastól. Þeir munu þó heldur vera orðnir afhuga slíku sökum naums meirihluta ríkisstjórnarinnar. Þeir ættu þá ekki afturkvæmt á þing félli ríkisstjórnin.

BF tekur ekki formennsku í nefndum

Formenn flokkanna eyddu gærdeginum í að ræða við sína þingmenn og fara yfir óskir þeirra um vegtyllur og ábyrgð á kjörtímabilinu. Eftir því sem heimildir DV herma mun Sjálfstæðisflokkurinn skipa formenn í fimm þingnefndum, Viðreisn í einni og stjórnarandstaðan skipi formenn tveggja nefnda. Ekki er gert ráð fyrir að þingmenn Bjartrar framtíðar taki að sér formennsku í nefndum. Þar fyrir utan er forsætisnefnd, en mestar líkur eru taldar á því að Birgir Ármannsson, þingmaður Sjálfstæðisflokks, taki við embætti forseta þings. Sjálfstæðisflokkurinn muni taka að sér formennsku í atvinnuveganefnd, efnahags- og viðskiptanefnd, fjárlaganefnd, utanríkisnefnd og umhverfis- og samgöngunefnd. Viðreisn muni taka að sér formennsku í annaðhvort allsherjar- og menntamálanefnd eða í velferðarnefnd en ekki var komin niðurstaða í þeim efnum. Þá mun stjórnarandstaðan taka formennsku í þeirri nefndinni sem Viðreisn tekur ekki og einnig í stjórnskipunar- og eftirlitsnefnd, svo sem hefð er orðin fyrir.

Gagnrýna landsbyggðarhallann

Naumur meirihluti stjórnarinnar hefur valdið talsverðum titringi innan Sjálfstæðisflokksins. Meðal annars hefur verið á það bent að þingstörf geti orðið mjög stirð vegna þessa því stilla þurfi atkvæðagreiðslur af með þeim hætti að allir þingmenn stjórnarinnar geti verið viðstaddir, annars sé hætt við að mál verði einfaldlega felld af stjórnarandstöðunni. Þá sé málefnaágreiningur milli flokkanna og hver þingmaður sé í raun oddaatkvæði.

Innan ákveðins hóps þingmanna Sjálfstæðisflokks er einnig órói vegna þess hversu mikið halli á landsbyggðina í ríkisstjórninni. Þannig koma engir þingmenn Bjartrar framtíðar af landsbyggðinni og aðeins tveir þingmenn Viðreisnar eru landsbyggðarþingmenn. Annar þeirra er formaðurinn Benedikt sem þrátt fyrir að vera þingmaður Norðausturkjördæmis er búsettur í Reykjavík. Innan þessa hóps Sjálfstæðismanna sem nefndur er hér að framan er ríkisstjórnin uppnefnd „borgarstjórnin“ og hæðst að því að með myndun stjórnarinnar hafi loks tekist að ná aftur meirihlutanum í borginni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
í gær

Öll bestu tíst vikunnar á einum stað: „Vona að gellan sem tók sig til og pissaði á gólfið á b5 sé á feitum bömmer“

Öll bestu tíst vikunnar á einum stað: „Vona að gellan sem tók sig til og pissaði á gólfið á b5 sé á feitum bömmer“
Fréttir
í gær

Ari Eldjárn gestur í vinsælum skemmtiþætti á BBC

Ari Eldjárn gestur í vinsælum skemmtiþætti á BBC
Fréttir
í gær

Guðni Th. skammaður fyrir syndir Ólafs Ragnars: „Að ná sér í eina með extra ananas“

Guðni Th. skammaður fyrir syndir Ólafs Ragnars: „Að ná sér í eina með extra ananas“
Fréttir
í gær

Atli Helgason fær ekki lögmannsréttindi

Atli Helgason fær ekki lögmannsréttindi
Fréttir
Fyrir 2 dögum

Leikarinn Vilhelm Neto túlkar íslenska sumarið á einstakan hátt: „Á morgun ætla ég að fokka þér upp“

Leikarinn Vilhelm Neto túlkar íslenska sumarið á einstakan hátt: „Á morgun ætla ég að fokka þér upp“
Fréttir
Fyrir 2 dögum

Myndband: Milljónir hafa horft á heimsþekktan bloggara lofsama Ísland

Myndband: Milljónir hafa horft á heimsþekktan bloggara lofsama Ísland
Fyrir 2 dögum

Einstakur flokkur

Einstakur flokkur
Fréttir
Fyrir 2 dögum

Hlustaðu á átakanlega upptöku: Þórhildur klökknaði í beinni útsendingu á Rás 1

Hlustaðu á átakanlega upptöku: Þórhildur klökknaði í beinni útsendingu á Rás 1