fbpx
Fimmtudagur 21.febrúar 2019
Fréttir

Eitrað fyrir umdeildum fyrirlesara á Íslandi

Robert Spencer, ritstjóri Jihad Watch, segir að íslenskur pólitískur andstæðingur sinn hafi byrlað sér ólyfjan. Lögregla staðfestir að málið sé til skoðunar.

Hjálmar Friðriksson
Þriðjudaginn 16. maí 2017 09:21

Ekki missa af Helstu tíðindum dagsins í pósthólfið þitt

Lesa nánar

Robert Spencer, ritstjóri Jihad Watch, fullyrðir á heimasíðu sinni að ungur íslenskur karlmaður hafi eitrað fyrir honum á veitingastað í Reykjavík. Spencer hélt fyrirlestur á Grand Hótel í síðustu viku sem bar yfirskriftina Íslam og framtíð evrópskrar menningar. Lögreglan á höfuðborgarsvæðinu staðfestir við DV að lögð hafi verið inn kæra og að málið sé til skoðunar.

Spencer lýsir því í bloggfærslu að eftir fyrirlesturinn hafi hann farið á veitingastað ásamt föruneyti. Þar segir hann að ungur íslenskur karlmaður hafi kallað eftir sér með nafni, tekið í höndina á honum og sagt að hann væri mikil aðdáandi hans. Annar ungur maður hafi svo ávarpað hann með nafni, tekið í höndina á honum en því næst sagt honum að fara til fjandans. Um korteri seinna, þegar hann var kominn upp á hótelherbergi sitt, hafi honum farið að líða illa. Hann uppliði svima, doða í andliti, byrjaði að titra og kasta upp. Hann segist hafa varið nóttinni á Landspítalanum.

Að sögn Spencer kom í ljós á Landspítalanum að honum hafði verið byrlað ólyfjan. Að hans sögn leið honum illa í marga daga eftir á. Hann kveðst hafa kært málið til lögreglu þegar hann hafi náð sæmilegri heilsu á ný og að þar væri málið til rannsóknar. Fullyrðir Spencer m.a. að lögregla hafi kallað eftir öryggismyndbandi hjá veitingastaðnum.

Spencer segir að hann hafi verið fljótur að finna mennina sem tóku í höndina á honum á veitingastaðnum á Facebook. Hann segir nokkuð ljóst að maðurinn sem sagst hafi verið mikill aðdáandi hans, sé það ekki í raun og veru af Facebook-síðunni að dæma. Hann veit ekki hvor það er sem á að hafa eitrað fyrir honum en telur þó líklegra að það sé sá sem sagði honum að fara til fjandans.

Spencer er fullviss um að eitrað hafi verið fyrir honum af pólitískum ástæðum. „Það er enginn vafi um það: ég er viss um að sá sem eitraði fyrir mér á Íslandi var ánægður með það sem hann gerði. Honum hefur eflaust verið hrósað sem hetju þegar hann hefur sagt félögum sínum af verknaðinum. Ég geri mér grein fyrir því að margir lesendur eru eflaust ánægðir að ég hafi orðið alvarlega veikur. Það eitt og sér er merki um úrkynjun og mannvonsku vinstrimanna,“ skrifar Spencer.

Hjá lögreglustöð 1 við Hverfisgötu fékkst það staðfest nú í morgunsárið að Robert Spencer hafi lagt inn kæru og leitað á slysadeild. Málið væri til skoðunar en enginn hafi verið yfirheyrður að svo stöddu enda málið á algjöru frumstigi. Verið væri að safna gögnum og ákvörðun tekin í framhaldi um hvort einhver fengi réttarstöðu grunaðs í málinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 19 klukkutímum

Björn segir tillögurnar espa fólk upp: „Líklegt að það verði verkföll“

Björn segir tillögurnar espa fólk upp: „Líklegt að það verði verkföll“
Fréttir
Fyrir 19 klukkutímum

Marinó: „Ótrúlega ósvífin hræsni að segja að tillögurnar komi þeim tekjulægstu best“

Marinó: „Ótrúlega ósvífin hræsni að segja að tillögurnar komi þeim tekjulægstu best“
Fréttir
Í gær

Segir heilsugæsluna ekki nútímafólki bjóðandi

Segir heilsugæsluna ekki nútímafólki bjóðandi
Fréttir
Í gær

Undir áhrifum fíkniefna með börn í bílnum – Ökumaður í vímu með þungaða unglingsstúlku í bílnum

Undir áhrifum fíkniefna með börn í bílnum – Ökumaður í vímu með þungaða unglingsstúlku í bílnum
Fréttir
Fyrir 3 dögum

Hefur starfsmannaleigan farið illa með verkamennina?

Hefur starfsmannaleigan farið illa með verkamennina?
Fréttir
Fyrir 3 dögum

„Gerendur snúa aftur í samfélagið hvort sem okkur líkar betur eða verr“

„Gerendur snúa aftur í samfélagið hvort sem okkur líkar betur eða verr“