Jamie Barnes, húsmóðir í Suður-Memphis í Tennessee-ríki í Bandaríkjunum, vissi vart hvaðan á hana stóð veðrið þegar hún kom heim eftir ferðalag á sunnudag. Ekki var nóg með að brotist hafði verið inn í húsið hennar, heldur voru innbrotsþjófarnir að hafa samfarir á sófanum hennar þegar Bares bar að garði. „Mig langaði svo mikið að lemja manninn,“ segir Barnes við WREG TV.
„Það er allt á rúi og stúi, gjörsamlega á hvolfi. Það er eins og þau hafi haldið stórt partý,“ segir hún enn fremur. Þegar hún kom að parinu reyndi konan, annar innbrotsþjófurinn, að grípa flíkur til að klæðast. Það reyndust vera föt af húsráðanda og tók Barnes það ekki í mál. Hún hrifsaði fötin af henni.
Hún segir að henni hafi verið skapi næst að berja þau. Hún greip kúst en lét þó ekki til skarar skríða. Barnes ber að þegar hún hafi elt manninn út úr húsinu hafi hann ítrekað sagt að hann vissi ekkert.
Peningar af heimili hennar ásamt fatnaði, skartgripum og öðrum verðmætum. Barnes metur tjónið á 2.200 dollara, eða rúmlega 250 þúsund krónur.
En andlega tjónið er verst. „Mér líður ekki vel í húsinu mínu. Í mínum augum er ég heimilislaus,“ sagði hún við WREG TV.
Hún hefur stofnað reikning á GoFundMe þar sem hún freistar þess að safna peningum fyrir því sem stolið var af henni. Innbrotsþjófarnir ganga enn lausir en lögreglan veit hverjir voru að verki.
