Innbrot í austurborginni og fíkniefnapartý stöðvað í Garðabæ
Skömmu fyrir klukkan 18 í gærkvöldi hafði lögregla afskipti af ökumanni bifreiðar í Hafnarfirði. Ökumaðurinn er grunaður um ölvun við akstur. Eftir að hann blés í öndunarsýnamæli lögreglu sýndi mælirinn 3,65 prómill en refsimörk eru 0,50 prómill. Ökumaðurinn var vistaður í fangageymslu lögreglu.
Um klukkan hálf tólf í gærkvöldi barst lögreglu tilkynning um innbrot í skóla í austurborginni. Gluggi hafði verið spenntur upp og innbrotsþjófurinn farið þar inn. Ekki er vitað hverju var stolið.
Klukkan 01:15 barst lögreglu tilkynning um mikinn partýhávaða í Garðabæ. Ítrekað hafði verið tilkynnt um hávaða úr íbúðinni síðustu daga.Húsráðandi heimilaði leit í íbúðinni og fundust þar ætluð fíkniefni. Málið afgreitt á vettvangi.
Afskipti voru höfð af ölvaðri ungri konu í Vesturborginni um klukkan tvö í nótt. Konan var gestkomandi þar sem hún var handtekin. Hún verður vistuð í fangageymslu lögreglunnar þar til ástand hennar lagast.
