Maður með ætluð fíkniefni í vösum sínum einnig vistaður í fangageymslu
Tilkynnt var um líkamsárás við veitingahús í Bankastræti á þriðja tímanum í nótt. Manni var hrint í götuna og fékk hann sár á enni. Maðurinn fluttur með sjúkrabifreið á slysadeild til aðhlynningar að því er segir í tilkynningu frá lögreglunni á höfuðborgarsvæðinu.
Þá hafði lögreglan einnig afskipti af manni í annarlegu ástandi við Hafnarstræti rétt fyrir klukkan í nótt. Maðurinn hafði ætluð fíkniefni í vösum sínum og neitaði að gefa lögreglu upp persónuupplýsingar á vettvangi. Maðurinn var vistaður í fangageymslu.
Ung kona var handtekinn við veitingahús í Hafnarstræti í nótt grunuð um líkamsárás. Konan er sögð hafa slegið mann í höfuðið með flösku. Samkvæmt tilkynningu frá lögreglunni var konan ölvuð og vistuð í fangageymslu fyrir rannsókn máls.
Lögreglunni var einnig tilkynnt um innbrot í hús í Garðabæ um þrjúleitið í nótt. Gluggi var spenntur upp farið inn í húsið. Húsráðandi var vakandi og kom að manni sem hljóp þá út. Ekki talið að þjófurinn hafi náð verðmætum.