Verkefni lögreglunnar á höfuðborgarsvæðinu í gærkvöldi og í nótt
Lögreglan á höfuðborgarsvæðinu hafði í ýmsu að snúast í gærkvöldi og í nótt og snéru mörg verkefnin að ökumönnum í annarlegu ástandi.
Klukkan 21.20 í gærkvöldi var bifreið stöðvuð við Sólheima og er ökumaðurinn grunaður um akstur undir áhrifum fíkniefna og fyrir að aka sviptur ökuréttindum. Maðurinn mun áður hafa verið tekinn fyrir sömu sakir.
Á þriðja tímanum í nótt voru tveir ökumenn stöðvaðir, annars vegar á Sæbraut við Höfða og hins vegar í Ármúla. Sá fyrrnefndi er grunaður um ölvun við akstur og að aka sviptur ökuréttindum en sá síðarnefndi er grunaður um akstur undir áhrifum fíkniefna. Sá hafði í ofanálag aldrei tekið bílpróf. Á fjórða tímanum í nótt var ökumaður stöðvaður á Háaleitisbraut og er hann grunaður um akstur undir áhrifum fíkniefna.
Klukkan fjögur í nótt var tilkynnt um umferðaróhapp á Geirsgötu og er tjónvaldur þar grunaður um ölvunarakstur. Hann var vistaður í fangageymslu fyrir rannsókn máls.
Loks hafði lögregla afskipti af ökumanni við Gullinbrú rétt fyrir klukkan tvö í nótt. Ökumaðurinn, ung kona, er grunuð um akstur undir áhrifum áfengis og fíkniefna og þá var hann hún svipt ökuréttindum. Konan er einnig grunuð um rangar sakargiftir, en að sögn lögreglu leikur grunur á að hún hafi gefið upp nafn systur sinnar þegar lögregla hafði af henni afskipti.