– Breski kleinuhringjarisinn opnar í nóvember – Fara í samstarf við Te & kaffi
Til stendur að opna Krispy Kreme kleinuhringjakaffihús í Hagkaup í Smáralind í byrjun nóvember. Verslunarfyrirtækið Hagar hefur skrifað undir samstarfssamning við Krispy Kreme og stefnt er að samstarfi við Te & kaffi.
„Þau gerðu sérstaka blöndu fyrir Krispy Kreme á Íslandi, sem við erum gríðarlega sátt við,“ segir Viðar Brink, rekstrarstjóri Krispy Kreme, í samtali við Vísi. Segir þar að Krispy Kreme hafi verið stofnað árið 1937 og að uppskrift fyrsta kleinuhringsins, Original Glazed, haldist óbreytt frá stofnun.
„Við bökum alla kleinuhringi og allar vörur sem við erum með frá grunni og við gerum það á hverjum einasta degi þannig að þetta er alltaf ferskt,“ segir Viðar.