Í júlí árið 2015 var 15 ára íslenskri stúlku nauðgað í bílskúr í Óðinsvéum í Danmörku. Tveir menn hafa nú verið sakfelldir vegna málsins.

Í dómsskjölum kemur fram að stúlkan hafi verið í heimsókn hjá ættingjum sínum þann 9 júlí 2015. Um kvöldið fór hún út í búð.

Þá hitti hún tvo menn og fór að ræða við þá. Þeir fengu hana með sér að bílskúr í hverfinu með loforði um að þar gæti hún fengið sígarettur.

Þegar þangað var komið hringdu þeir í 15 ára dreng, nú 16 ára, og spurðu hann hvort hann gæti útvegað sígarettur og nefndu jafnframt að hann hefði möguleika á kynlífi ef hann kæmi í bílskúrinn. Pressan greindi frá málinu í morgun.

Í dómsskjölum kemur fram að stúlkan hafi ekki skilið það sem fram fór í símtalinu sem var á dönsku.

Stúlkan sagði að í bílskúrnum hafi hún verið neydd til að veita 15 ára drengnum munnmök og auk þess sem hann nauðgaði henni.

Dómstóll í Óðinsvéum komst að þeirri niðurstöðu í gær að báðir mennirnir hafi gerst sekir um nauðgun. Refsing þeirra verður ákveðin þann 13. Október næstkomandi. Beðið er eftir niðurstöðum geðrannsóknar á yngri manninum.