Meðfylgjandi myndskeið sýnir án efa eitt það skelfilegasta sem hægt er að verða vitni að þegar litið er út um flugvélarglugga. Þeir sem eru flughræddir eru því varaðir við að áhorfi.
Farþegi með taílenska lággjaldaflugfélaginu Nok Air tók myndskeiðið á símann sinn á dögunum um það leyti sem flugvélin tók á loft frá Don Muang-flugstöðinni í Bangkok. Má þar sjá hjól flugvélarinnar tætast upp á meðan flugvélin tekur á loft, eitthvað sem er svo sannarlega ekki traustvekjandi fyrir farþegana.
„Ég hef flogið margoft en ég hef aldrei nokkurn tímann séð þetta gerast. Hjartað byrjaði að slá hraðar og ég hugsaði með mér hvað fleiri gæti mögulega farið úrskeiðis,“ segir farþeginn. „Ég vildi bara að flugstjórinn myndi lenda vélinni sem fyrst áður en eitthvað skelfilegt myndi gerast.“
Enginn mun þó hafa hlotið skaða og var vélinni lent eftir rúmlega hálftíma í loftinu. Samkvæmt talsmanni flugfélagsins voru farþegar fluttir um borð í aðra vél. Flugmálayfirvöld rannsaka nú atvikið en búið er að útiloka aðskotahlut á flugbrautinni.
