Rétt fyrir klukkan tvö í nótt var ráðist á mann í miðborg Reykjavíkur. Í dagbók lögreglu kemur fram að árásarmaðurinn hafi notað barefli og slasaðist fórnarlambið nokkuð. Maðurinn sem ráðist var á var fluttur á sjúkhraús.
Að sögn lögreglu urðu nokkur vitni að árásinni og gátu þau bent lögreglu á hvar árásarmanninn væri að finna. Hann er nú vistaður í fangageymslu lögreglu.
Nóttin var að öðru leyti tiltölulega rólega í umdæmi lögreglunnar á höfuðborgarsvsæðinu. Þó er þess getið að 10 séu vistaðir í fangageymslu vegna margvíslegra brota.
