Tvær öflugar skjálftahrinur í Mýrdalsjökli
Tvær jarðskjálftahrinur mældust í Mýrdalsjökli í nótt. Stærsti skjálftinn sem mældist í hrinunni er jafnframt sá stærsti síðan nútímamælingar hófust. Skjálftinn var 4,6 og næst stærsti skjálftinn mældist 4,5.
Í frétt RÚV segir að fyrri hrinan hafi byrjað um klukkan hálf 2 í nótt. Skjálftarnir í þeirri hrinu voru 10 og stærsti mældist 2,4.
Önnur skjálftahrina hófst þegar klukkuna vantaði nítján mínútur í tvö. Í henni voru skjálftarnir færri en öflugri.
Tveir stærstu skjálftarnir í seinni hrinunni voru 4,5 og 4,6 og nokkrir um þrír. Síðan þá hefur verið rólegt í Kötluöskju, nokkrir smærri skjálftar hafa fundist en langt er á milli þeirra.
Jarðskjálftarnir urðu í sigkötlum á vatnasviði Múlakvíslar og í Kötluöskjunni og þar með í eldstöð KötluSigurdís Björg Jónasdóttir, náttúruvársérfræðingur á
Veðurstofunni, segir að engra óróamerkja hafi orðið vart í tengslum við jarðskjálftana, hvorki gosóróa né jökulhlaupaóróa, aðeins hafi verið um skjálftavirkni að ræða.