Bandaríska sjóherinn bjargaði lífi tveggja einstaklinga sem voru strandaglópar á eyðieyju í Kyrrahafi. Hjónin Linus og Sabina Jack, sem bæði eru á sextugsaldri, höfðu skellt sér í siglingu á litlum mótorbát fyrir nokkrum dögum.

Þegar þau skiluðu sér ekki til baka var farið að grennslast fyrir um þau og það var svo á föstudag að bandaríska strandgæslan kom auga á þau á lítilli eyju í Míkrónesíu. Höfðu hjónin ritað SOS í sandinn og það virðist hafa orðið þeim til lífs, að því er BBC greinir frá. Þyrla frá bandaríska sjóhernum kom auga á hjálparbeiðnina og var eftirleikurinn tiltölulega auðveldur.

Hjónanna hafði verið sakna í tæpa viku, eða eftir að þau lögðu af stað frá eyjunni Weno. Þau villtust hins vegar af leið og þegar þau skiluðu sér ekki til baka var óttast að eitthvað hefði komið fyrir.

Björgunaraðilar leituðu á mjög stóru svæði og komu fimmtán bátar, flugvél og þyrla þátt í leitinni. Hjónin eru sögð hafa verið ágæta heilsu þegar þau fundust.

Þetta er í annað skiptið sem fólki er bjargað af eyðieyju í Kyrrahafi, en í aprílmánuði var þremur strandaglópum bjargað af eyjunni Fanadik í Míkrónesíu. Mennirnir mynduðu orðið „Help“ á ströndinni með því að nota greinar af pálmatrjám og björgunarvestin sem þeir höfðu meðferðis. Mennirnir höfðu verið á eyjunni í þrjá daga þegar bandaríski sjóherinn bjargaði þeim.