Í haust ætlar norska lággjaldaflugfélagið Norwegian að hefja flug frá Íslandi til þriggja nýrra áfangastaða. Það eru London, Barcelona og Madríd. Í dag flýgur Norwegian frá Keflavík til Osló og Bergen.
Frá 1. nóvember mun félagið fljúga til London á þriðjudögum, fimmtudögum og laugardögum.
Sama dag verður jómfrúarflug Norwegian frá Keflavík til Madrid. Þangað verður flogið tvisvar í viku, á þriðjudögum og laugardögum.

Frá og með 2. nóvember mun Norwegian svo fljúga frá Keflavík til Barcelona. Áætlunarflugið verður tvisvar í viku. Á miðvikudögum og laugardögum.

Í tilkynningu frá Thomas Ramdahl, framkvæmdastjóra Norwegian, segir að félagið ætli að bjóða upp á lág fargjöld og sveigjanleika fyrir farþega. Þar segir einnig að Norwegian hafi trú á að flugleiðirnar muni stuðla að fjölgun ferðamanna á Íslandi.