Davíð Þór Jónsson, sem undanfarin ár hefur gegnt embætti héraðsprests í Austurlandsprófastsdæmi, hefur verið kjörinn sóknarprestur í Laugarneskirkju.
Þetta tilkynnti Aðalbjörg S. Helgadóttir, formaður sóknarnefndar Laugarnessóknar, á Facebook-síðu kirkjunnar í dag.
„Um leið og við þökkum framúrskarandi umsækjendum um embætti sóknarprests fyrir einlægan áhuga og hlýja viðkynningu, þá tilkynni ég fyrir hönd kjörnefndar að sr. Davíð Þór Jónsson hefur verið kjörinn sóknarprestur. Megi Guðs blessun fylgja honum og okkur öllum hér eftir sem hingað til,“ segir Aðalbjörg í færslunni.