Illugi Gunnarsson, mennta- og menningarmálaráðherra, ætlar að flytja kennslu og rannsóknarstarfsemi á sviði lögreglufræða til Háskólans á Akureyri. Samkvæmt niðurstöðu matsnefndar um lögreglunám á háskólastigi var Háskóli Íslands þó talinn hæfastur til að taka að sér ferlið.
Samhliða ákvörðuninni verður Lögregluskóli ríkisins lagður niður og mun nám í lögreglufræðum verða fært upp á háskólastig.
Ákveðið var að fela Ríkiskaupum að finna framkvæmdaaðila á háskólastigi sem gæti tekið við lögreglunáminu eftir að ákveðið var að færa það á háskólastig.
Sett var á laggirnar matsnefnd og skiluðu þrír umsækjendur tilkynningu um þátttöku. Háskóli Íslands skoraði hæst hjá matsnefnd með 128 stig af 135, Háskólinn á Akureyri kom annar með 116 af 135 og Háskólinn í Reykjavík var þriðji með 110 af 135 stig. Umsókn Háskólans á Bifröst uppfyllti ekki hæfiskröfu um viðurkenningu til kennslu í sálfræði.
Að mati ráðherra uppfyllti Háskólinn á Akureyri mjög vel þær kröfur sem gerðar eru um gæði náms og aðbúnað til lögreglumenntunar. Þá telur ráðherra aðstæður við HA til þess fallnar að gera nemendum af landinu öllu kleift að leggja stund á lögreglunámi. Að auki er með þessari ákvörðun skotið styrkari stoðum undir fjölbreytta starfsemi