Tvær konur tilkynntu nauðgun á Menningarnótt
Enginn hefur verið handtekinn vegna tveggja nauðgana á höfuðborgarsvæðinu á Menningarnótt. Friðrik Smári Björgvinsson, yfirlögregluþjónn, segir í samtali við Mbl.is að báðar nauðganirnar séu í rannsókn.
Í gær var greint frá því að tvær nauðganir hefðu verið tilkynntar í miðborginni aðfaranótt sunnudags. Lögregla fór með þolendur á neyðarmóttöku Landspítalans í Fossvogi.
Lögreglan á höfuðborgarsvæðinu fer með rannsókn málanna.