Íslendingur og Norðmaður voru með allar aðaltölurnar réttar í Víkingalottóinu og skipta með sér fyrsta vinningi. Hvor þeirra fær tæpar 262 milljónir króna í vinning. Íslenski miðinn var keyptur hjá N1 Stórahjalla í Kópavogi og er þetta langstærsti vinningur sem hefur komið á einstakann miða hérlendis.

Miði sem er í áskrift var með fimm réttar tölur auk bónustölu, það er hinn alíslenska bónusvinning og fær eigandi hans rétt tæpar 10,7 milljónir í sinn hlut.

Fjórir miðaeigendur voru með fjórar réttar tölur í réttri röð í Jóker og fá 100 þúsund kall í vinning, tveir miðanna voru keyptir í 10-11, Dalvegi 20, Kópavogi og tveir eru í áskrift.