Að minnsta kosti sex erlend skemmtiferðaskip verða í höfn í Reykjavík um verslunarmannahelgina, frá föstudegi fram á sunnudag, sem er mun meira en alla jafnan. Ætla má að vel á þriðja þúsund farþegar séu um borð í þessum skipum. Það verður því í mörg horn að líta hjá hafsögumönnum um helgina í Reykjavíkurhöfn.

,,Það verður mikil umferð skemmtiferðaskipa um helgina en það gerist oft að þau séu þetta mörg. Skipin eru að koma á sitthverjum tímanum en það verður alveg nóg að gera. Við munum ráða vel við þetta,“ sagði Halldór Valdemarsson hafsögumaður.

Stærsta skemmtiferðaskip sumarsins kom í gær

Stærsta skemmtiferðaskip sumarsins, MSC Splendida, kom til Reykjavíkur í gær og voru fargþegar um borð 3900 eða fullskipað. Farþegar fóru margir Gullna hringinn en gríðarlega mikill fjöldi ferðamanna var á Gullfossi og Þingvöllum í gær.

MSC Splendida er í eigu MSC Cruises og er skrásett í Panama. MSC Splendida er 333,30 m. að lengd, 37,98 m. að breidd og með djúpristu upp á 8.29 m. Á skipinu eru 18 þilför og þar af eru 13 þilför sem eru í notkun af farþegum skipsins. MSC.