Vélmenni sem eru til þjónustu reiðubúin, ást og gleði í Amsterdam, minningarathafnir í Kósovó og á Indlandi og glerskór sem ætlaður er til að lokka ungar konur í hjónaband. Þetta eru myndir vikunnar frá EPA.
Hér gefur að líta Kirkju háu hælanna, í Chiayi í Vestur-Taívan. Það kostaði 7,6 milljónir Bandaríkjadala að byggja þetta mikla glerhýsi. Skórinn er 17 metra hár, 11 metra breiður og 25 metra langur. Heimsmetabók Guinness segir þetta vera stærstu byggingu heims, sem er byggð eins og skór. Skórinn er eitt fjögurra minnismerkja til að minnast og heiðra konur sem fengu arsenikeitrun í kringum 1950 sem varð til þess að það þurfti að taka af þeim fætur. Fyrir vikið gátu þær ekki verið á háum hælum á brúðkaupsdaginn sinn. Kirkjan er sérstaklega hugsuð fyrir hjónavígslur.
Mynd: EPA
Kát Hillary Clinton kynnti varaforsetaefni sitt, Tim Kaine, fyrir demókrötum og Bandaríkjunum öllum fyrir helgina. Hér má sjá þau kát á framboðsfundi.
Mynd: EPA
Minning Ung kona gengur fram hjá minningarreit um fórnarlömb skotárásarinnar í München. Minningarreiturinn er í Pristinu í Kósovó. 10 létust, þar af þrír albanar, í árásinni sem var gerð á sunnudagskvöld.
Mynd: EPA
Gleði Gleðin var við völd í gleðigöngunni í Vondelpark í Amsterdam á laugardaginn.
Mynd: EPA
Bænastund Indversk skólabörn sitja og biðja fyrir áhöfn indversku herflugvélarinnar sem hvarf af ratsjá á laugardag. Börnin eru nemendur í skóla í Jammu. 29 voru um borið í vélinni, en nú fer fram mikil leit að henni.
Mynd: EPA
Lýstu upp Softbank Pepper-vélmennin stóðu keik þar sem þau voru til sýnis í Taívan á mánudag. Þau verða notuð til að aðstoða viðskiptavini Softbank.
Mynd: EPA
[[100E490084]]
Barátta Slökkviliðsmenn takast á við elda í Santa Clarita í Kaliforníu. Eldarnir hafa geisað á stóru landsvæði með tilheyrandi eyðileggingu. Átján byggingar hafa þegar orðið eldunum að bráð.
Mynd: EPA