„Árið 2000 lenti ég bílslysi á Reykjanesbraut. Þar var ég í bíl með pabba mínum og sofnaði hann undir stýri. Lentum við á bíl með öðrum hjónum. Ég kastaðist úr bílstólnum og var sú eina sem lifði af. Stopp, hingað og ekki lengra,“ segir Sesselja Arna í áhrifaríku myndskeiði sem framkvæmdahópurinn Stopp, hingað og ekki lengra! hefur birt á Facebook-síðu sinni. Þar er boðað að fleiri myndskeið muni líta dagsins ljós.

Hópurinn, Stopp, hingað og ekki lengra berst fyrir því að Reykjanesbraut verði tvöfölduð. Nú stíga fórnarlömb umferðarslysa á Reykjanesbraut og segja sína sögu.

„Saman þá getum við þrýst á stjórnvöld að tvöfalda Reykjanesbrautina og þannig fjárfesta í mannslífum. Tvöföldunin er dauðans alvara. Stopp, hingað og ekki lengra!“ segir í tilkynningu frá hópnum.

Sesselja Erna stígur fram og segir stuttlega frá skelfilegu slysi sem hún lenti í sem barn á Reykjanesbrautinni þann 30. nóvember árið 2000. Hún var þá aðeins fjögurra ára gömul. Faðir hennar lést ásamt hjónum þegar tvær bifreiðar skullu saman. Sesselja Erna var sú eina sem lifði af.

Hér má sjá mikilvæg skilaboð þessarar ungu konu: