Jón von Tetzhner, frumkvöðull og fjárfestir, hefur fest kaup á hlut í sjónvarpsstöðinni Hringbraut. Fram kemur í fréttatilkynningu frá fyrirtækinu að Jón verði þar með annar stærsti hluthafi félagsins en auk sjónvarpsstöðvarinnar rekur Hringbraut, Útvarp FM98,1 og vefsíðuna Hringbraut. Aðrir eigendur eru Guðmundur Örn Jóhannsson, stjórnarformaður og útgefandi og Rakel Sveinsdóttir framkvæmdastjóri.
Guðmundur Örn segir m.a. í fréttatilkynningunni fagna aðkomu Jóns von Tetzchner að fyrirtækinu.
„Í dag er hægt að reka ljósvakamiðla á mun hagkvæmari hátt en áður var. Í þessu geta falist mörg tækifæri,“ segir Jón von Tetzhner.
Jón von Tetzhner er oft kenndur við Operu en það er eitt stærsta kauphallarfyrirtækið í Noregi. Hann ólst upp á Seltjarnarnesi en býr nú í Bandaríkjunum. Á síðustu árum hefur Jón fjárfest í nokkrum íslenskum sprotafyrirtækjum eins og Örnu, Hringdu, Dohop og Spyr.is.