Guðni Th. Jóhannesson, dósent og verðandi forseti, – 684.000

Eliza Jean Reid, blaðamaður – 412.000

Lífið hefur svo sannarlega tekið viðsnúning hjá Guðna, Elizu og fimm börnum þeirra. Þann 1. ágúst næstkomandi tekur Guðni við lyklavöldum á Bessastöðum sem sjötti forseti lýðveldisins með Elizu sér við hlið. Eins og alþjóð veit hefur Guðni fyrst og fremst starfað sem fræðimaður undanfarin ár. Í fyrra starfaði hann sem dósent við sagnfræði- og heimspekideild Háskóla Íslands. Verðandi forsetafrú hefur aðallega starfað við blaðamennsku undanfarin ár sem og við viðburðastjórnun. Eliza hefur ritstýrt tímariti sem dreift er í vélar Icelandair og stendur fyrir árlegri, alþjóðlegri vinnusmiðju fyrir rithöfunda, Iceland Writers Retreat. Hún hefur sagst ætla að endurskoða atvinnumál sín eftir að eiginmaður hennar tekur við embætti enda ekki við hæfi, að hennar sögn, að forsetafrú taki við launagreiðslum frá einkareknum fyrirtækjum. Ljóst er að heimilisbókhald þeirra hjóna mun taka verulega stakkaskiptum en mánaðarlaun forseta Íslands eru um 2,3 milljónir króna.