Ekki náðist samkomulag um áframhaldandi leigu
Verslun Debenhams í Smáralind hættir rekstri og lokar í síðasta lagi á næsta ári. Með þessu lýkur rúmlega 15 ára sögu fyrirtækisins á Íslandi. Ástæða lokunarinnar er ekki erfiður rekstur heldur að ekki náðist samkomulag við leigusala um áframhaldandi leigu.
Fréttablaðið greinir frá þessu í dag. Verslunin er í 3.200 fermetra rými í Smáralind og er á tveimur hæðum. Finnur Árnason, forstjóri Haga sem á og rekur Debenhams, sagði í samtali við Fréttablaðið að lokun Debenhams tengist ekki orðrómi um að sænska verslunarkeðjan H&M hefði í hyggju að opna verslun hér á landi á næstu misserum.
Í umfjöllun Fréttablaðsins segir Hagar séu að stokka upp rekstur sinn í Smáralind. Verslun Karen Miller hefur verið lokað þar, Útilíf er að færa sig í minna rými og Hagkaupsverslunin hefur sömuleiðis verið minnkuð um tæplega 200 fermetra.