Karlmaður á sextugsaldri lést í vinnuslysi í Reykjavík á mánudag.
Slysið varð með þeim hætti að verið var að endurnýja þak á iðnaðarhúsnæði þegar það gaf sig. Maðurinn féll í gegnum þakið og lést hann af völdum áverka sinna.
Að því er fram kemur í frétt Vísis var fallið um 20 metrar og lést maðurinn samstundis. Slysið varð í Vatnagörðum í Reykjavík.
Lögreglan á höfuðborgarsvæðinu og Vinnueftirlitið rannsaka málið.