Með því að nota allar stjörnusjónaukana sem eru staðsettir í fjöllum í Chile hefur vísindamönnum tekist að finna ummerki eftir súrefni í vetrarbraut sem er í órafjarlægð frá Jörðinni. Vísindamennirnir segja að þessi uppgötvun sé örugg sönnun þess að súrefni hafi verið til á árdögum alheimsins.

Þetta kemur fram á vef News.com.au en þar segir að vetrarbrautin, sem um ræðir, sé í 13,1 milljarða ljósára fjarlægð frá Jörðinni. Vetrarbrautin var því aðeins um 700 milljóna ára gömul þegar rannsóknin var gerð því ljós hennar hefur verið allan þennan tíma að ná til Jarðarinnar. Það er því eins og að horfa aftur í tímann að rannsaka ljósið frá þessari vetrarbraut.

Talið er að alheimurinn sé 13,7 milljarða ára gamall og því er ljósið sem rannsakað var frá árdögum hans. Vísindamennirnir segja að þeir hafi þó ekki fundið merki um mikið magn súrefnis. Fyrir áhugasama má geta þess að vetrarbrautin sem um ræðir heitir SXDF-NB1006-2.