Forsetaframbjóðendur tóku þátt í umræðuþætti á Rúv í gærkvöldi. Andri Snær Magnason, Davíð Oddsson, Guðni Th. og Halla Tómasdóttir tókust á í fyrri hluta þáttarins en í seinni mættu Ástþór Magnússon, Elísabet Jökulsdóttir, Guðrún Margrét, Hildur Þórðardóttir og Sturla Jónsson í sjónvarpssal.

Össur Skarphéðinsson, þingmaður Samfylkingarinnar rýnir í kosningarnar sem fara fram í dag. Össur segir á Facebook:

„Eiginlega það eina sem er spennandi við kosningarnar á morgun er hvor þeirra Davíðs Oddssonar eða Andra Snæs nær þriðja sætinu.“

Hann bætir við:

„Frænka mín Elísabet Jökulsdóttur af Fremra-Hálskyninu hefur gert framboð sitt að stórkostlegum gjörningi og á víst a.m.k. eitt atkvæði á þessu þriggja atkvæða heimili.“

Össur kveðst ekki viss um að Guðni myndi þola tvær vikur í viðbót í kosningabaráttu en fylgi hans hefur minnkað töluvert að undanförnu en forskotið samkvæmt könnunum er þó mikið. Hann mun vinna örugglega að mati Össurar. Margir munu því kjósa taktísk og sleppa Guðna til að kjósa Höllu eða Andra, eða svo telur Össur.

„Halla er klárlega að geta frábært mót. Hún hefur komið mest á óvart, er alltaf „on-message“ og mun koma enn frekar á óvart annað kvöld. Andri? Ég er enn að velta því fyrir mér hvort hann hafi ekki rétt fyrir sér um að forsetaembættið sé svo erfitt að sá frambjóðandi sem eigi hjúkrunarfræðing að maka sé heppilegastur á Bessó.“