Forsetaframbjóðendur tóku þátt í umræðuþætti á Rúv í kvöld. Þar kom fram að framboð Guðna Th. Jóhannessonar hafi verið langkostnaðarsamast. Guðni greindi frá því að um þúsund manns hefðu styrkt framboð hans með fjárframlögum. Upphæðin sem safnaðist er vel á annan tug milljóna. Greindi Guðni frá að hann vissi ekki hver heildarkostnaðurinn væri.
Davíð Oddsson giskaði á að safnast hefði um sex til sjö milljónir króna. Sú upphæð gæti átt eftir að hækka. Halla Tómasdóttir talaði um einhverjar milljónir og kostnaður væri meiri en hún hafi ráðgert. Andri Snær taldi að kosningabaráttan myndi líklega kosta um 5 milljónir.
Elísabet Jökulsdóttir, Ástþór Magnússon, Sturla Jónsson, Guðrún Margrét Pálsdóttir og Hildur Þórðardóttir höfðu öll eytt mun minna í sína baráttu, eða vel undir milljón.
Elísabet Jökulsdóttir, Ástþór Magnússon, Sturla Jónsson, Guðrún Margrét Pálsdóttir og Hildur Þórðardóttir höfðu öll eytt mun minna í sína baráttu. Hildur sagði kostnað um 700 þúsund og Guðrún að hún hefði eydd innan við milljón. Elísabet og Sturla töldu að þau hefðu eytt um 400 þúsund en Ástþór greindi ekki frá upphæðinni sem framboð hans hefði kostað.
Elísabet Jökulsdóttir sagði:
„ … að í ljós hefði komið í kappræðum að þeir eru efstir sem hafa eytt mestum peningum“