Lögreglunni á Suðurnesjum var tilkynnt um þjófnað úr verslun Bláa lónsins síðdegis í fyrradag. Þar voru á ferðinni tveir erlendir ferðamenn sem voru að skoða vörur og reyndu svo að hnupla hreindýraskinni. Verð á því er um 25.000 krónur. Þetta kemur fram í skeyti frá lögreglunni á Suðurnesjum.
Þar segir ennfremur að skinnið hafi verið óskemmt þegar starfsfólk fékk það aftur í hendur. Vísaði lögreglan mönnunum út af svæðinu.