Nýjar reglur breska lággjaldaflugfélagsins Easy Jet heimilar félaginu að neita farþegum sem eru ekki mættir að brottfararhliðinu 30 mínútum fyrir brottför að fara um borð í vélina. Með þessu móti ætlar flugfélagið að auka stundvísi sína.

Samhliða þessari nýju reglugerð er farþegum nú frjálst að bæta svokallaðri seinkunar-tryggingu ofan á verð flugmiðans þegar hann er bókaður. Engu máli skiptir af hverju farþeginn mætir ekki í eigið flug. Tímaramminn frá því að flugið fer og þar til farþeginn þarf að vera búinn að gefa sig fram eru fjórar klukkustundir. Þá kemst farþeginn í næsta lausa flug eða getur fengið fargjaldið endurgreitt.

Tryggingin kostar 7 og hálft pund eða sem nemur 1400 krónum ISK: Þeir sem ekki kaupa trygginguna og mæta of seint að hliðinu þurfa að borga 80 pund, sem eru tæpar 15 þúsund krónur ISK, til að komast í næsta flug.

Að sama skapi hefur starfsfólk Easy Jet komið því í gagnið á Gatwick flugvelli að farþegar sem ætla í gegnum öryggisleit þegar 30 mínútur, eða styttra, er í flug komast ekki í gegn.