Helgi Hjörvar, sem er í formannsframboði í Samfylkingunni segist finna fyrir fordómum í fyrsta skipti á stjórnmálaferli sínum. Fordómarnir beinist einkum gegn sjóninni.

„En núna mæti ég semsagt í fyrsta sinn viðhorfum um að ég geti ekki ráðið við það verkefni að vera formaður Samfylkingarinnar vegna fötlunar minnar,“ segir Helgi í opinni færlsu á Facebook. Enn fremur segir hann fólk með fötlun hafa aukið hlutdeild sína á þingi og í sveitarstjórnum.

„Þeim sem eru að velta slíku fyrir sér bendi ég á að alblindir menn hafa til dæmis verið ráðherrar félagsmála í Svíþjóð og innanríkismála í Bretlandi og er hvort ráðuneyti trúlega umfangsmeira en íslenska ríkið og hvað þá Samfylkingin,“ segir Helgi og furðar sig á gagnrýninni. Hann bendir á blindi félagsmálaráðherrann Bengt Lindqvist hafi kennt kollegum sínum að rata um sænska þingið.

„Ég les ekki með sama hætti og aðrir og verð að reiða mig á endursögn annarra um margt. Ég á erfitt með að vera virkur á fésbók, ræð illa við spjall þar eða að fylgjast með vinum mínum eins og ég vildi. Það getur líka verið óheppilegt fyrir stjórnmálamann að sjá ekki kjósendur, virða þá ekki viðlits, standa einn úti í horni af því að maður sér engan sem maður þekkir o.s.frv.,“ greinir Helgi frá og bendir á að það séu margir kostir sem hafi verið farið léttvægt fram hjá við að hafa blindan mann í stjórnmálum.

Að lokum fullvissar Helgi Samfylkingarfólk um að hann verði fyrsti fatlaði maðurinn til að leiða stjórnmálaflokk hérlendis. Hann segir ekki þá við sjónina að sakast, heldur einhvern af öðrum göllunum í genasafni sínu.