Maður var sleginn í höfuðið með glasi við Naustin í Reykjavík í nótt. Lögreglunni barst tilkynning um málið klukkan 03.40. Maðurinn var fluttur á slysadeild til aðhlynningar. Tveir voru handteknir vegna málsins og vistaðir í fangageymslu. Ætluð fíkniefni fundust á öðrum þeirra.

Klukkan 22.33 var maður í annarlegu ástandi handtekinn í Garðabæ en hann er grunaður um húsbrot/heimilisofbeldi. Hann var vistaður í fangageymslu vegna rannsóknar málsins. Skömmu fyrir klukkan eitt í nótt voru þrír ungir menn handteknir í Breiðholti en þeir eru grunaðir um húsbrot og líkamsárás. Þeir voru vistaðir í fangageymslu.

Tilkynnt var um líkamsárás á veitingahúsi í Kópavogi á öðrum tímanum í nótt. Talið er að þolandinn sé nefbrotinn. Málið er í rannsókn.