Nóttin var róleg hjá lögreglu – þrír ölvaðir ökumenn stöðvaðir
Nóttin var tiltölulega róleg hjá lögreglu. Þrír ölvaðir ökumenn voru stöðvaðir en tveir þeirra voru látnir gista fangageymslur lögreglu vegna rannsóknar málanna. Annar þeirra er grunaður um að hafa ekið á aðra bifreið og skemmt hana.
Þá gekk Englendingur einn of geyst um gleðinnar dyr í gær í miðborg Reykjavíkur. Hann var nýkominn til landsins og hóf þá þegar stífa drykkju ásamt félögum sínum. Ekki fór betur en svo hann týndi vinum sínum og hafði síðan ekki hugmynd um hvar hann var með bókaða gistingu. Eftir talsverða leit tókst lögreglumönnum þó að uppi á gististaðnum þar sem Englendingurinn gat hallað höfði sínu.