Lögreglan á höfuðborgarsvæðinu handtók sjö menn inni á lokuðu hafnarsvæði við Sundagarða. Talið er að mennirnir hafi ætlað að reyna að komast um borð í fraktskip.
Fyrst kom tilkynning um fjóra menn inni á svæðinu í Sundagörðum klukkan hálf tvö í nótt. Mennirnir voru handteknir á vettvangi. Rúmum klukkutíma síðar, eða rétt fyrir klukkan þrjú í nótt, kom aftur tilkynning frá sama hafnarsvæði um að aðrir menn væru inni á svæðinu, nú þrír saman. Lögreglan handtók mennina.