Eigandi inversks veitingastaðar í Bretlandi var dæmdur í sex ára fangelsi í gær eftir að hafa verið sakfelldur fyrir manndráp af gáleysi.
Viðskiptavinurinn, hinn 38 ára Paul Wilson, lést árið 2014 eftir að hafa fengið bráðaofnæmi. Hann hafði pantað tikka-masala kjúklingarétt á staðnum og tók það skýrt fram þegar hann pantaði réttinn að engar hnetur mættu vera í réttinum.
Á matseðli kom fram að möndlur væru í réttinum og þar sem Wilson var ekki með ofnæmi fyrir þeim taldi hann óhætt að panta réttinn. Það hefði hann betur látið ógert því veitingamaðurinn hafði notast við ódýrari tegund jarðhneta í réttinn í stað mandlanna.
Veitingamaðurinn sem átti og rak staðinn, sem hét Indian Garden, heitir Mohammed Zaman og hafði hann áður fengið viðvörun frá heilbrigðisyfirvöldum vegna þessarar tilhögunar. Kúnni með hnetuofnæmi hafði áður kvartað eftir að hafa veikst.
Í umfjöllun New York Times, sem fjallar um málið, er haft eftir móður Wilsins, Margaret, að sonur hennar hafi ætíð gætt sín. Hann hafi fyrst fengið hnetuofnæmi þegar hann var sjö ára og allar götur síðan tekist að forðast hnetur, þar til kvöldið örlagaríka árið 2014.
