Býður sig fram fyrir hönd Pírata í Norðausturkjördæmi
Björn Þorláksson, fyrrverandi fréttastjóri á Hringbraut, hefur tilkynnt framboð til Alþingis fyrir hönd Pírata í Norðausturkjördæmi. Björn greindi frá þessu á Facebook síðu sinni í dag.
Í tilkynningu sem hann sendi frá sér segir hann of fáa gæta hagsmuna almennings frá degi til dags á Alþingi. Að hans sögn hefur hann sambönd og tengsl víða en telur sig óháðan valdaklíkum. Hann segist ætla sér að vera maður fólksins.
„Spilltum ráðamönnum hefur heppnast að hanga á sínu með frumstæðum mótþróa, víggirtir af bjöguðum upplýsingum þar sem peningar eru nýttir til að misbeita fjölmiðlum,“ segir hann enn fremur í tilkynningunni. Að sögn Björns dettur honum ekki í hug að lofa kraftaverkum, fái hann umboð til þingstarfa í þágu almennings.
Björn segir þingframboðið ekki aðeins hafa verið ákvörðun sína og eiginkonu sinnar, heldur hafi ýmsir einstaklingar haft samband við hann og hvatt hann til framboðs.
Hægt er að lesa yfirlýsingu Björns í heild sinni hér: