Matvælafyrirtækið Ora hefur í samráði við Heilbrigðiseftirlit Hafnarfjarðar og Kópavogs ákveðið að innkalla Ora Fiskbollur í karrísósu í 850 gramma umbúðum.
Samkvæmt tilkynningu frá Matvælastofnun er ástæða innköllunarinnar sú að mistök urðu við hitun vörunnar hjá Ora og telst hún því ekki örugg til neyslu.
Bollunum er dreift í öllum verslunum Krónunnar, Nóatúns, Nettó, Úrvals, Kaupfélags Skagfirðinga og versluninni í Hlíðberg. Neytendur sem keypt hafa vöruna geta skilað henni þar sem þeir keyptu hana.
