Læknir biðlar til fólks að hugsa sig tvisvar um
Í gegnum tíðina hafa hinar ýmsu útfærslur af samkomum fólks þar sem kynlíf er aðalnúmerið notið mikilla vinsælda. Til dæmis má nefna BDSM- og makaskiptapartý.
Svo virðist sem öfgarnar hafi náð nýjum hæðum þegar kemur að því að sameina spennufíkn og kynlíf í svokölluðu HIV kynlífspartýi þar sem einn einstaklingur er HIV jákvæður. Enginn veit hver sá smitaði er. Á sama tíma eru verjur bannaðar í þessum partýum en allir eiga kost á því að vera með öllum.
Læknar í Barcelona hafa sökum vaxandi vinsælda slíkra samkoma greint frá því að samkynhneigðir karlmenn stundi þær meira heldur en gagnkynhneigt fólk. Trendið á rætur að rekja til Serbíu en þar eru samkomur sem þessar vinsælar meðal elítu landsins. Þar ganga þær undir nafninu serbnesk rúlletta.
Dr. Josep Mallolas segir að þetta sé merki um að fólk sé hætt að gera sér grein fyrir því hversu hættuleg veiran er og biðlar til fólks að hugsa sig tvisvar um áður en það lætur spennufíknina taka völdin á kostnað heilsunnar.