Nýjung á Twitter: Hætta að telja myndir og linka með í færslum

Líklegt að breytingin komi fram á næstu tveim vikum

Samfélagsmiðillinn Twitter nýtur sífellt meiri vinsælda hérlendis.
Twitter. Samfélagsmiðillinn Twitter nýtur sífellt meiri vinsælda hérlendis.
Mynd: Mynd Reuters

Samfélagsmiðillinn Twitter ætlar að hætta að telja myndir og tengla inn í 140 stafabila takmarkið sitt og bjóða notendum sínum upp á að birta lengri færslur en áður. Bloomberg greinir frá þessu og vísar í ónefndan heimildarmann.

Notendur munu líklega verða varir við breytinguna eftir tvær vikur. Fyrirtækið hefur neitað að svara hvort orðrómurinn sé á rökum reistur. Í janúar síðastliðnum sagði Jack Dorsey, forstjóri Twitter að fyrirtækið væri að leita nýrra leiða til að birta texta.

Ástæðan fyrir 140 stafabila takmarki Twitter er vegna þess að þegar miðillinn kom fyrst fram á sjónarsviðið tístu notendur með SMS skilaboðum.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.