Lögreglan í Belgíu hefur varað íbúa landsins við því að nota tilfinningatákn, sem Facebook byrjaði að bjóða uppá nýlega. Lögreglan segir að með þessu sé verið að safna upplýsingum um notendur. Independent greinir frá.
Í febrúar síðastliðnum bauð Facebook notendum sínum að bregðast við fréttum, innleggjum og öðru sem á sér stað á Facebook með því að nota sex ný tilfinningatákn Áður hafði vefurinn aðeins boðið uppá takka þar sem notendum gátu líkað við ákveðnar færslur.
Að sögn lögreglunnar er verið að safna upplýsingum um fólk og metur þá hvaða auglýsingum sé best að ota að hverjum og einum. Þá hefur fólk verið hvatt til að hundsa takkana vilji það vernda friðhelgi sitt, að því sem fram kemur á vefsíðu lögreglunnar í Belgíu.