Frumvarp sem leyfir samkynja hjónabönd með borgaralegum hætti var samþykkt við þriðju umræðu í færeyska lögþinginu í dag. Vísir greinir frá.

Málið hefur verið á milli tannanna á Færeyingum í nokkurn tíma og hefur verið mikið deilt um það. Í dag var það samþykkt endanlega, eftir þriðju umræðu þess. Málið er búið að vera í nefnd síðan í nóvember á síðasta ári. Einn flutningsmanna frumvarpsins er fyrsti opinberglega samkynhneigði þingmaðurinn í sögu Færeyja, að sögn Vísis.

Hjónavígslur samkynhneigðar verða þó ekki leyfðar í kirkju, heldur er aðeins um borgaralegar hjónavígslur að ræða.