Hópslagsmál í Skeifunni – Rannsókn á frumstigi
Hópslagsmálin sem áttu sér stað í Skeifunni síðastliðinn laugardag voru á milli tveggja erlendra hópa af sitt hvoru þjóðerni. Þetta kemur fram í Morgunblaðinu í dag.
Eins og greint hefur verið frá tóku hátt í 30 manns þátt í slagsmálunum sem áttu sér stað fyrir framan verslun Rúmfatalagersins. Fjölmörg vitni urðu að atvikinu, þar á meðal börn.
Meðlimir beggja gengjanna voru með með vopn, þar á meðal hafnaboltakylfu, hamar og hníf. Einn var sleginn í höfðið með hamri en að sögn vitnis sem ræddi við Morgunblaðið tóku 4-6 manns þátt í slagsmálunum.
Friðrik Smári Björgvinsson, yfirlögregluþjónn í lögreglunni á höfuðborgarsvæðinu, segir í samtali við Morgunblaðið að ekki liggi fyrir hver kveikjan að átökunum var. Fjórir voru handteknir og er búið að taka skýrslur af þeim.
„Þessir tveir hópar virðast vera af ólíkum þjóðernum. Eitthvert atvik sem átti sér stað fyrir nokkrum dögum var kveikjan að málinu,“ segir Friðrik og bætir við að rannsókn málsins sé á frumstigi.