Tvö umferðar óhöpp urðu í nótt – Ansi margir stöðvaðir grunaðir um akstur undir áhrifum
Það var erilsamt hjá lögreglunni á höfuðborgarsvæðinu í nótt og í gærkvöldi. Alls sinnti lögreglan átta verkefnum og voru þau af ýmsum toga.
Á fimmta tímanum í nótt var lögreglunni tilkynnt um konu sem svaf yfir utan skemmtistað í miðbænum. Fram kemur í dagbók lögreglunnar að ekki hafi verið unnt að koma konunni til síns heima og var hún því vistuð í fangageymslu.
Þá voru ansi margir ökumenn stöðvaðir í umferðinni í nótt, grunaðir um akstur undir áhrifum fíkniefna eða áfengis.
Tvö umferðar óhöpp urðu í nótt og í gærkvöldi. Fyrra slysið átti sér stað laust eftir klukkan 11. Þar skullu tvær bifreiðir saman á gatnamótum Álfheima og Suðurlandsbrautar. Þrír voru fluttir á slysadeild.
Seinna óhappið var svo um klukkan þrjú í nótt við gatnamót Miklubrautar og Kringlumýrarbrautar. Þar lentu bifreiðar saman og er einn ökumaðurinn grunaður um ölvun við akstur.