Sterkir vindar felldu kranann – Lenti á mörgum bifreiðum við götuna – Fyrsta kranaslysið í New York síðan árið 2008
Einn lést og tveir slösuðust þegar að stór byggingarkrani féll til jarðar á Manhattan í New York fyrr í dag.
Á vef BBC segir að kraninn hafi fallið á Broadway í Tribeca-hverfinu snemma í morgun. Samkvæmt slökkviliðinu í New York féll kraninn á margar bifreiðar sem lagt var við götuna.
Haft er eftir Bill de Blasio, borgarstjóra New York, sem sagði að hinn látni hafi verið í bifreið sem kraninn féll á.
Verið var að nota kranann til að skipta um loftkælingarbúnað í byggingu í hverfinu. Í tilkynningu frá borgaryfirvöldum í New York segir að sterkir vindar hafi orsakað slysið. Samkvæmt þeim voru verktakar að lækka kranann þegar hann féll niður á götuna.
Þetta er í fyrsta sinn sem slíkt slys á sér stað í New York síðan árið 2008.
Hér má sjá myndband af vettvangi.
Crane collapse video — slow motion disaster footage; Glenn Zito via @NBCNews https://t.co/D3Kcd6UziW
— David Schoetz (@Schoetz) February 5, 2016
//platform.twitter.com/widgets.js
VIDEO ▶ Latest from #NewYork where a crane has collapsed killing at least one person. pic.twitter.com/Orj9asmZs1
— Heart Scotland News (@HeartScotNews) February 5, 2016
