Ríkharð var dæmdur í fangelsi í júlí síðastliðnum – ekki hefur tekist að birta honum dóminn
Dómur yfir Ríkharð Júlíus Ríkharðssyni, forsprakka glæpasamtakanna Outlaws, vegna grófs ofbeldisbrots, var birtur í Lögbirtingablaðinu í dag þar sem ekki hefur tekist að birta honum dóminn.
Ríkharð var dæmdur í þriggja ára og þriggja mánaða langt fangelsi í Héraðsdómi Reykjaness í júlí síðastliðnum, Þriggja ára refsingunni er frestað, en hann þarf að afplána þrjá mánuði samkvæmt dómsorði.
Kristján Markús Sívarsson, bróðir Stefáns Loga Sívarssonar, og Ríkharð Júlíus voru báðir dæmdir fyrir hrottalega líkamsárás gegn manni á fertugsaldri í kópavogi árið 2014.
Árásin átti sér stað á heimili þolandans, en árásin stóð yfir klukkutímum saman og var fólskuleg.
Fórnarlamb árásarinnar, sem var haldið föngnu á heimili sínu, leitaði á slysavarðstofu eftir árásina og tilkynnti málið til lögreglu.
Samkvæmt Facebook er Ríkharð búsettur í Hjörring í Danmörku.
Kristján Markús, og bróðir hans Stefán Logi, hafa verið kallaðir Skeljagrandabræður í umfjöllun fjölmiðla um ofbeldisverk þeirra en viðurnefnið er skírskotun til þess að þeir misþyrmdu manni á heimili sínu á Skeljagranda.
Ríkharð Júlíus var tiltölulega nýsloppinn út eftir að hafa afplánað dóm fyrir ofbeldisverk þegar hann var handtekinn fyrir árásina.