Anna Pála Sverrisdóttir, lögfræðingur og fyrrverandi formaður Samtakanna 78, segist ekki hafa í huga að bjóða sig fram til embættis formanns Samfylkingarinnar, en hún hefur verið orðuð við embættið. Þetta kom fram í Morgunblaðinu í dag.

Töluverðar innanflokksátök hafa verið innan Samfylkingarinnar eftir síðasta landsfund flokksins, en þá bauð Sigríður Ingibjörg Ingadóttir sig óvænt fram til formanns flokksins gegn Árna Páli Árnasyni, og tapaði með einu atkvæði.

Það var svo samþykkt á dögunum að flýta landsfundi en áður verður nýr formaður kjörinn í allsherjaratkvæðagreiðslu á meðal flokksmanna en deilt hefur verið um veikt umboð Árna Páls í ljósi naums sigurs hans á landsfundinum á síðasta ári.

Anna Pála var efst í kjöri til flokksstjórnar Samfylkingarinnar á síðasta ári og hefur verið virk í innra starfi Samfylkingarinnar og Samtakanna síðustu ár. Flokksmenn víða úr röðum Samfylkingarinnar hafa upp á síðkastið þrýst nokkuð á Önnu Pálu að íhuga formannsframboð.

Þá greindi Fréttablaðið frá því fyrir skömmu að Helgi Hjörvar íhugaði framboð.