Sungu á meðan þeir losuðu bílinn úr skaflinum
„Þetta var virkilega skemmtileg upplifun,“ segir Björn Sighvatsson, félagi í karlakórnum Esja. Hann ásamt kórfélögum sínum björguðu brúðhjónum sem höfðu farið út af veginum rétt utan við Hellu fyrr í morgun.
Karlakórinn Esja var á leiðinni í æfingabúðir í Húsasdal, í Þórsmörk þegar þeir stoppuðu til að hjálpa bifreið sem var í vandræðum. Í bílnum voru brúðhjón frá Taívan og ljósmyndari. Þau höfðu runnið út af veginum, í skalf, og gátu með engu móti komið sér upp á veginn aftur.
Kórfélagarnir tóku svo sannarlega til sinna ráða þegar þeir hjálpuðu þeim upp á veginn. Á meðan nokkrir aðstoðuðu hjónin með því að draga þau aftur upp á veginn þá söng restin af kórnum fyrir þau.
Björn segir að þetta hafi verið skemmtileg upplifun og vill koma þeim skilaboðum áleiðis að ef einhver lendir í vandræðum á sunnudaginn þá verði þeir félagarnir á leiðinni í bæinn úr Þórsmörk um miðjan daginn. „Við erum svo sannarlega til í að gera þetta aftur.“
(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = „//connect.facebook.net/en_GB/sdk.js#xfbml=1&version=v2.3“; fjs.parentNode.insertBefore(js, fjs);}(document, ‘script’, ‘facebook-jssdk’));
Posted by Björn Sighvatsson on Saturday, 13 February 2016