„Eins og kunnugt er hefur á opinberum vettvangi farið fram umræða um sölu Landsbankans á hlut hans í greiðslumiðlunarfyrirtækinu Borgun. Samkvæmt upplýsingum og gögnum sem vísað hefur verið til í þeirri umræðu má ætla að það verð sem bankinn fékk fyrir eignarhlut sinn hafi verið mun lægra en eðlilegt getur talist.“

Þetta segir Bjarni Benediktsson fjármálaráðherra í bréfi til Bankasýslunnar í dag.

Bjarni segir að sú umræða sem hafi orðið vegna sölunnar á hlut bankans í Borgun sé til þess fallin að skaða orðspor bankans. Minnir hann á að Bankasýsla ríkisins fari með eignarhluti ríkisins í fjármálafyrirtækjum og stofnuninni hafi verið komið á fót til að ríkið væri trúverðugur eigandi fjármálafyrirtækja.

Bjarni segir að næstu skref varðandi sölu eignarhluta ríkisins í Landsbankanum verði tekin að fengnum tillögum Bankasýslunnar um hvernig þeirri sölu skuli vera háttað.

Bréf fjármálaráðherra má lesa hér