Spennandi kosningabarátta fram undan í Bandaríkjunum – Næst kosið í Suður-Karólínu
Donald Trump, forsetaframbjóðandi Repúblikana, og Bernie Sanders, forsetaframbjóðandi Demókrata, unnu sannfærandi sigra í New Hampshire-ríki í forkosningum flokkanna fyrir forsetakosningarnar í sumar.
Töluverður munur var á efstu mönnum og þeim sem höfnuðu í öðru sæti. Sem dæmi var Trump með um 35 prósent atkvæða á meðan sá sem var í öðru sæti, John Kasich, fékk um 16 prósent atkvæða.
Hjá Demókrötum var svipuð staða á milli efstu manna. Sanders fékk um 60 prósent á meðan Hillary Clinton fékk um 38 prósent.
Niðurstöðurnar hleypa miklu lífi í kosningabaráttuna. Búið er að kjósa í tveimur ríkjum en í síðustu viku var kosið í Iowa. Þar sigraði Clinton naumlega hjá Demókrötum og Ted Cruz hjá Repúblikönum.
Næst verður kosið í Suður-Karólínu og forvitnilegt verður að sjá hver tekur forystuna hjá báðum flokkum í forkosningunum.